Hau Pittu Hau – Euskaldunon konpartsa

Iturria: Berria

Argazkian, Barnetegi Eguna ospatu genuen atzo, besteak beste bazkalduz.

Hamahiru lagun berri dabiltza egunotan Hau Pittu Hau konpartsan txandak egiten, jarduerak antolatzen eta parrandaz gozatzen. Udako barnetegi berezienetako bateko ikasleak dira. “Konpartsara jende berria erakarri nahi genuen, baina, era berean, konturatu ginen jendeak ez dakiela konpartsetan nola sartu barruan lagunik ez badauka», azaldu du Xabi Erkiagak, Hau Pittu Hauko kideak. Barnetegia martxan jartzea bururatu zitzaien, haien filosofiarekin bat datorrelako, Koldo Rodriguez konpartseroak gaineratu duenez: “Euskaraz bizi nahi dugu, eta euskaraz bizi gara. Eta ikasten dabilen jendeari askotan falta zaio pauso hori, praktikan jartzeakoa. Jaiak euskaraz bizitzeko gune bat eskaini diegu”.

Egitasmoa jakinarazteko, kanpaina txiki bat egin zuten maiatzetik aurrera, “jaietan parte hartu eta txosna barrutik ezagutu nahi zutenentzat”, eta ezustekoa hartu zuten izena hamahiru lagunek eman zutela ikusita. Uztaileko Konpartsero Egunean ezagutu zuten elkar, eta Aste Nagusia hasi bezperan ere bildu ziren. Hortik aurrerakoarekin ezin kontentuago dago Erkiagak: “Denak oso jatorrak dira, parte hartzeko gogoz etorriak; aste osoan ibili dira ekintzetan parte hartzen, laguntzen, txandak egiten, mozkortzen… eta kristoren giroa jarri dute”. “Eta euskaraz bizi daitekeelako zantzuak jaso dituzte”, erantsi du Rodriguezek. Hain zuzen, atzo egin zuten Barnetegi Eguna: bazkaria, Aste Nagusian gertatutako istorioen kontaketa, sagardo dastatzea, erromeria…

25. urteurrenarekin uztartuta

Emaitzarekin, beraz, oso pozik daude. Konpartsa bat mugitzeko pertsona asko behar direla nabarmendu dute, eta kide berriak, antza, jarraitzeko gogoz dabiltza. “Azkenean, konpartsak eraberritu behar dira», esan du Rodriguezek. Berak 17 urte daramatza Hau Pittu Haun; aurten, mende laurdena bete du konpartsak. Xabi Paiak idatzitako eta Luz de Putas eta Fermin Muguruzak musikatutako abestiaz ospatu dute. Astelehenean, Hau Pittu Hau Eguna antolatu zuten, eta konpartsaren sortzaileak gonbidatu zituzten. «Baina urte hauetan ezer gutxi aldatu da; esentziari eusten diogu”.

Dakizuenez Aste Nagusia munduko jairik zoragarriena da eta berez Euskal Herriko jairik izugarriena, ekimen gehien dituen jaia da: 300 baino gehiago eta guzti guztiak dohainik parte hartzea bultzatzeko asmoz!

Gaur ibilbide txiki bat egingo dizuegu aurtengo mundu mundialeko 9 eguneko Aste Nagusi berezi eta bakar honetan guztion gozamenerako antolatuta ditugun ekimen guztietan zehar.

Hasteko, betiko ekimenak, pixkanaka Aste Nagusiaren klasiko bat bihurtu diren horiek:

• Txalaparta jaia eta txapelketa – domekan
• Xake txapelketa – astelehen, astearte, asteazken, ostegun, ostiral eta zapatuan.
• Igela txapelketa – astelehen eta asteartean.
• Aerobithona – astelehenean.
• Bertso-triki-kalejira – astelehenean.
• Mus txapelketa – asteartean.
• Bilbo kantari – astearte, ostegun eta zapatuan.
• Bertso bazkaria – asteazkenean.
• Tira goma txapelketa – ostegunean.
• Kukaña – ostegunean.
• Ikurriñari omenaldia – ostegunean.
• Jubilatuentzako bazkaria – ostegunean.
• Ur jokoak – ostiralean.
• Ardo dastaketa – zapatuan.
• Konpartsen arteko bazkari eta herri kirolak – zapatuan.

 Badira urte batzuk esfortzu garrantzitsu bat egiten ari garela eguneko ekimenak eta umeentzako ekimenak bultzatzeko, honela Aste Nagusian ohikoak diren tailerrak, umeentzako ikuskizunak, puzgarriak etabar luzea izango ditugu aurten ere, txikienak eta familiak 9 egun hauetan, jai esparruan dagoen giroaz goza dezaten. Baditugu ere ezarrita dauden hainbat ekimen: lorezaintza ekologikoa, habaila tailerra eta txapelketa, asteleheneko umeentzako gastronomikoa … baina aurtengo berritasun garrantzitsua; Irrien Lagunak Kluba (ILK) astelehenetik ostegunera jai esparruan zehar, ekimen, tailer eta sorpresa pilo batekin gurekin egongo direla izango da.

Eta urtero bezala, 2012 urte hau ez zen gutxiago izango, berrikuntzak ere baditugu bisitari zein villako lagunentzako, aurreko edizioan hain arrakastatsuak izan diren hainbat ekimen mantendu eta zabalduz aparte: adibidez; domekako skate tailerra eta txapelketa, bigarren domekara pasako den warhamer lehiaketa, eta lehen domekan izango den Magik, publiko guztietara zabalduko direnak.

Hauekin batera, gure ekimen kuttunetako bat; Bilbo Kantari, aurtengo kurtsoan zehar egin izan duguna ere bai, hilabete bakoitzeko bigarren zapatuetan lagun pila bat batzen. Hain arrakastatsua izan da zein hasierako 1.000 txapela-liburuxka agortu egin ditugula, eta Aste Nagusirako formato berri batekin argitaratu egin behar izan dugula.

Ekitaldi berri hauen artean, alde batetik, frontainerra dugu, hiritar guztientzako Ripan jarriko dugun frontoi txiki bat. Bertan egun bakoitzean euskal pilotak dituen modalitate ezberdinetaz gozatu eta ikasi ahal izango dugu; zesta puntatik laxoaraino, ekimen ezberdinekin eta Mikel Goñiren bisitarekin, abuztuaren 20an, maisu-eskola bat eskeiniko digula.

Azpimarratu nahi dugu ere bai Athletic Fundazioarekin batera egingo dugun ume zein gazteentzako 3×3 futbol txapelketa, astearte eta asteazkenean Ripan jarriko den “bombonera”n ospatuko dena.

Aurtengo beste nobedadeetako bat Bloodbowl Aste Nagusiko Lehiaketa izango da, lehen Domekan Ripako karpan ospatuko dena.

Eta urtero bezala, Basurtuko ospitalean dauden umeei egiten zaien bisita, aurten Euskotrenen laguntzarekin, jai gunetik konpartsok, pregoilari eta txupinerarekin egun horretarako tranbia berezi batean hurbildu izango gara.

Eta ezin ahaztu gure altxorrik preziatuenak, ekimenik potenteenak eta parte hartze gehien dituztenak: Hiri Krosa eta Gastronomiko txapelketa, oraintxe zehaztasun gehiagorekin Kepa eta Pedrok azalduko dituztenak.

Eta zelan ez, ibilbide honetan ezin dira falta konpartsok gure gune eta txosnetan eukiko ditugun kontzertu, bazkari, kalejira, txapelketa eta abar luze bat. Aipatzeko 50 kontzertu baino gehiago izango ditugula, Anje Duhalde, Ze Esatek!, Vendetta, Itziarren Semeak taldeekin beste batzuen artean, eta umeentzako egongo diren 60 jarduera baino gehiago ere bai, guzti hauek gure web orrialdean kontsultatu ahal izango dituzuenak eta abuztuaren 15etik aurrera eta Aste Nagusia osoan zehar, Bilboko Konpartsakek banatuko dituen 15.000 eskuko egitarauetan ere bai.

Eta 2012. urteko Aste Nagusirako bisita gidatu azkar honekin amaitzeko gogoratu nahi dugu aurten ere aurreko urteetan hain arrakastatsua izan den edalontzi berrerabiliak izango ditugula berriz txosna guztietan eta gainera aurten kubata edalontziak ere izango ditugu ezarpenarekin jarraitzeko.

Gora Marijaia!

Gora Bilboko Konpartsak!

Iturria: Bilboko Branka

Euskal Autonomi Erkidegoko Justizia Auzitegiko (EAEJAN) Administrazioarekiko Auzietako Salak bertan behera utzi du Iñaki Azkunaren Udal Gobernuak 2009an Txori Barrote eta Kaskagorri konpartsak bi urtez Aste Nagusitik kanpo uzteko onartu zuen ebazpena.

Epaiak aintzat hartu du Bilboko Administrazioarekiko Auzietako Epaitegiaren 2. Salaren aurka Bilboko Konpartsek jarritako helegitea, epaitegiak kaleratutako epaia baliogabetu eta, Iñaki Azkuna buru, EAJ eta EB osatzen zuten Udal Gobernuak hartutako erabakia bertan behera utzi du.

Erabakia hartzeko Ertzaintzak egindako txosten batean oinarritu zen Azkuna; bi konpartsa horiek euskal presoen argazkiak eta kartelak erakusten zituztela zioen Poliziaren txostena. Ondorioz, Txori Barrote eta Kaskagorriri bi urteko gaitasungabetzea ezarri eta epe horretan txosna jartzeko baimena kendu zien.

Auziari lotutako iturriek Gara egunkariari jakinarazi diotenez, ebazpenak ez du berehalako ondoriorik, gaitasungabetze epea igaro egin baita dagoeneko, baina garrantzia handia du  konpartsentzat “agerian uzten baitu Udalak ezin zuela zigorrik ezarri”. Azpimarratzekoa da bi urte horietan txosnarik izan ez arren Txori Barroteren zein Kaskagorriren presentzia nabarmentzekoa izan dela, beste konpartsek erakutsitako elkartasunari esker batez ere.

Bi urteko ibilbide judizialak argi utzi du, epaitegiek adierazi dutenez, euskal preso politikoen irudiak erakustea ez dela ETAren biktimeekiko iraingarria. Orain, gainera, EAEJANen epaiak Udala zigortzen du -prozesuaren kostuak ordaindu beharko ditu- eta forma defektu batean erori zela esaten du, zigortutako jarduerak arau-hauste bezala tipifikatzea bideratzen zuen araudirik ez zuelako.

Era berean, araudirik gabe zigorra ezartzeak konpartsei defendatzeko aukerarik ere ematen ez ziela dio ebazpenak.

Horrenbestez, EAEJANen erabaki irmoak etorkizunean Txori Barroteren eta Kaskagorriren aurka hartutako neurriak berriz hartzea galaraztean dio Udalari.

Iturria: Bilboko Branka

Virginia Bersategiren pregoiak eta Nerea Orizaiolak jaurtiko duen txupinak Aste Nagusiari hasiera emango diote hilabete barru. Oraindik hainbat kontu finkatzeke dituzten arren, konpartsek ezagutzera eman dute dagoeneko aurtengo egitaraua.

Espero zitekeen bezala krisiaren aitzakipean hainbeste ugaritu diren murrizketa neurriak Aste Naguria ere heldu dira. Udalak %10 murriztu du aurten jaietara bideratutako aurrekontua. Botika Zaharrean egin ohi ziren kontzertuak gainera -aurten Itsas museoaren ondo zabalgunean egingo dira- astelehenan hasiko dira, hau da, larunbat eta igandeko emanaldiak desagerrarazi ditu Azkunak. Hori gutxi balitz, urtero Erripa kaian antolatzen den Txikigunea Doña Casildara eramango dute aurtengo edizioan, kaia eraberritzeko lanak zati horretan amaituta badaude ere.

Horren guztiaren aurrean, eta murrizketen logikak jaien kalterako dela agerian uzteko Bilboko Konpartsek inoiz baino indartsuago datoz Aste Nagusira. Oraindik itxita ez badago ere, aurtengo egitaraua osatzeko inbertsio potentea egin dutela iragarri dute eta dagoeneko argitara eman dituzte programaren ildo nagusiak. Jarraian abuztuaren 18tik 26ra bitartean Bilboko Areatzan izango diren ekimenak kontsulta ditzakezu:

Abuztuak 18, larunbata

• 17:00 Txupinaren kalejira
• 18:00 Harrera ofiziala Arriaga Antzokian
• 19:00 Arriaga plaza. Harrera Marijaiari, pregoia Virginia Berasategik emango du eta jaien hasierako txupina  Nerea Orizaolak (Zaratas) jaurtiko du
• 20:00 Txosnak irekitzea Marijaiarekin
• 20:30 Arriaga plaza. Suzko zezena

Abuztuak 19, igandea

• 10:00 Txistularien diana eta txupina
• 11:00 Areatzan: Txahala banaketa Atlhetic-eko peñekin batera
• 11:00 Erripako kaia: Umeentzako Skate eskola
• 13:00 Kulturgune: Puzgarriak
• 18:00 Areatzako kioskoan. Txalaparta festa
• 18:00 Erripako kaia: Skate txapelketa
• 19:00 Kulturgune: Poteoa txosna gunetik eta Alde Zaharretik Fabe de Fuka txarangarekin
• 20:30 Arriaga plaza. Suzko zezena

Abuztuak 20, astelehena

• 10:00 Txistularien diana eta txupina
• 10:00 Areatza. Xake-txapelketa. Itsu-itsukoak
• 11:00 Areatza. Igel-toka txapelketa txapelketa
• 11:00 Gastronomikoa. Sukaldatzen ikasten
• 13:00 Kulturgune: Umeentzako talo tailerra Aitor Aurrekoetxearen eskutik
• 17:30 Areatzan: Aerobithona
• 19:00 Areatzan. Eulia eta Kanpaia sarien banaketa
• 19:00 Areatzan. Kukaña
• 20:30 Arriaga plaza. Suzko zezena

Abuztuak 21, asteartea

• 09:00 Areatza. Sukaldaritza lehiaketa: Patata-tortilla. Izena ematea
• 10:00 Txistularien diana eta txupina
• 10:00 Areatza. Xake-txapelketa. Anti-xakea
• 11:00 Areatza. Igel-toka txapelketa
• 11:00 Gastronomikoa. Patata-tortilla
• 11:00 Areatza kaia. Laborantza ekologiko tailerra
• 14:30 Areatza. Sulkadaritza lehiaketako sarien banaketa
• 15:00 Areatza. XV. Mus txapelketa
• 20:00 Zazpi kaleak. Bilbo Kantari
• 20:30 Arriaga plaza. Suzko zezena

Abuztuak 22, asteazkena

• 09:00 Areatza. Sukaldaritza lehiaketa: Txipiroiak bere tintan. Izena ematea
• 10:00 Txistularien diana eta txupina
• 10:00 Areatza. Xake-txapelketa. Random Chess
• 11:00 Gastronomikoa. Txipiroiak bere tintan
• 11:00 Zirkuak eta Marijaiak bisita egingo die Basurtuko ospitalean dauden umeei
• 13:00 Kulturgune: Umeentzako antzerkia El Tenderete taldearekin
• 14:30 Areatza. Sulkadaritza lehiaketako sarien banaketa
• 20:30 Arriaga plaza. Suzko zezena

Abuztuak 23, osteguna

• 09:00 Areatza. Sukaldaritza lehiaketa: Bakailaoa bizkaitar erara. Izena ematea
• 10:00 Txistularien diana eta txupina
• 10:00 Areatza. Xake-txapelketa. Aldi berekoak
• 11:00 Areatza.Tira gomas lehiaketa
• 11:30 Areatza. Txupinerei homenaldi txupina
• 12:00 Areatza. Onda txapelketa eta tailerrak
• 13:00 Kulturgune: Ipuin Kontalaria
• 14:30 Fronton de la Esperanza. Jubilatuen bazkaria
• 14:30 Areatza. Sulkadaritza lehiaketako sarien banaketa
• 20:00 Zazpi kaleak. Bilbo Kantari
• 20:30 Arriaga plaza. Suzko zezena

Abuztuak 24, ostirala

• 09:00 Areatza. Sukaldaritza lehiaketa: Bakailaoa pil-pil erara. Izena ematea
• 10:00 Txistularien diana eta txupina.
• 10:00 Areatza. Xake-txapelketa. XV Xake txapelketa (partida arinak maratoia)
• 13:00 Kulturgune. Umeentzako antzerkia Goloka taldearekin
• 14:30 Areatza. Sulkadaritza lehiaketako sarien banaketa.
• 17:00 Uribitarte. Ur jolasak
• 17:00 Areatza: XVI. Hiri Krosa herrikoia. (Arautegia). Lehengo Irteera: Pre-benjamin, benjamin eta alebin kategoriaren neskentzat
• 17:15 Areatza: XVI. Hiri Krosa herrikoia. Bigarren Irteera:  Pre-benjamin, benjamin eta alebin kategoriaren mutilentzat
• 17:30 Areatza: XVI. Hiri Krosa herrikoia. Hirugarren Irteera:  Haur, kadete eta gazte kategoriaren neskentzat
• 17:30 Sestaotik Udaletxera. Ibaizabaltik Herriko piraguen jaitsiera
• 17:30 Santurtzitik Udaletxera. Nerbioitik jaitsiera ekologista
• 17:45 Areatza: XVI. Hiri Krosa herrikoia. Laugarren Irteera:  Haur, kadete eta gazte kategoriaren mutilentzat
• 18:00 Areatza: XVI. Hiri Krosa herrikoia. Bosgarren Irteera:  Elbarrituak
• 18:00 Uribitarte. Uraren eguna “Ur jolasak”
• 18:20 Areatza. XVI. Hiri Krosa herrikoia. Seigarren irteera: Txupeteak eta txikiak kategoriaren neskentzat
• 18:30 Areatza. XVI. Hiri Krosa herrikoia. Zazpigarren irteera: Txupeteak eta txikiak kategoriaren mutilentzat
• 18:45 Areatza. XVI. Hiri Krosa herrikoia. Zortzigarren irteera: Senior, Junior, Promesak eta beteranoak
• 20:30 Arriaga plaza. Suzko zezena

Abuztuak 25, larunbata

• 09:00 Areatza. Sukaldaritza lehiaketa: Marmitakoa. Izena ematea
• 09:00 Zabalguneko Merkatua. XIII. Xake Txapelketa
• 10:00 Txistularien diana eta txupina
• 12:00 Areatza. Ardo dastaketa
• 13:00 Kulturgune. Umeentzako antzerkia. TTR teatro “Salam” antzezlanarekin
• 14:00 Areatza. Konpartsen bazkaria
• 14:30 Areatza. Sulkadaritza lehiaketako sarien banaketa
• 17:30 Areatza. Herri kirolak: Konpartsen arteko Xiba lehiaketa. Amaitu ostean, herri kirolen sarien banaketa, Bandera urdina eta marroiaren banaketa eta “palmada” sariaren banaketa
• 20:00 Zazpi Kaleak. Bilbo Kantari
• 20:30 Arriaga plaza. Suzko zezena

Abuztuak 26, igandea

• 09:00 Areatza. Sukaldaritza lehiaketa: Buztan-gisatua. Izena ematea
• 10:00 Txistularien diana eta txupina
• 14:30 Areatza. Sulkadaritza lehiaketako sarien banaketa
• 20:30 Arriaga plaza. Suzko zezena
• 23:00 Areatza-Udaletxea. Jaien amaiera berezia eta agurra Marijaiari

Guneak

• Euskalgune: Txori Barrote – Eguzkizaleak – Hau Pittu Hau – Abante
• Kulturgune: Altxaporrue – Txinbotarrak – Satorrak
• Triangune: Mekauen – Bizizaleak – SinKuartel
• Karpagunea: Askapeña – Pa..Ya
• Arriagaren atzekaldea: Kaskagorri + Kaixo + Kobeta Mendi

Abuztuak 18, larunbata

• 17:00 Txupinaren kalejira
• 18:00 Harrera ofiziala Arriaga Antzokian
• 19:00 Arriaga plaza. Harrera Marijaiari, pregoia Virginia Berasategik emango du eta jaien hasierako txupina  Nerea Orizaolak (Zaratas) jaurtiko du
• 20:00 Txosnak irekitzea Marijaiarekin
• 20:30 Arriaga plaza. Suzko zezena

Abuztuak 19, igandea

• 10:00 Txistularien diana eta txupina
• 11:00 Areatzan: Txahala banaketa Atlhetic-eko peñekin batera
• 11:00 Erripako kaia: Umeentzako Skate eskola
• 13:00 Kulturgune: Puzgarriak
• 18:00 Areatzako kioskoan. Txalaparta festa
• 18:00 Erripako kaia: Skate txapelketa
• 19:00 Kulturgune: Poteoa txosna gunetik eta Alde Zaharretik Fabe de Fuka txarangarekin
• 20:30 Arriaga plaza. Suzko zezena

Abuztuak 20, astelehena

• 10:00 Txistularien diana eta txupina
• 10:00 Areatza. Xake-txapelketa. Itsu-itsukoak
• 11:00 Areatza. Igel-toka txapelketa txapelketa
• 11:00 Gastronomikoa. Sukaldatzen ikasten
• 13:00 Kulturgune: Umeentzako talo tailerra Aitor Aurrekoetxearen eskutik
• 17:30 Areatzan: Aerobithona
• 19:00 Areatzan. Eulia eta Kanpaia sarien banaketa
• 19:00 Areatzan. Kukaña
• 20:30 Arriaga plaza. Suzko zezena

Abuztuak 21, asteartea

• 09:00 Areatza. Sukaldaritza lehiaketa: Patata-tortilla. Izena ematea
• 10:00 Txistularien diana eta txupina
• 10:00 Areatza. Xake-txapelketa. Anti-xakea
• 11:00 Areatza. Igel-toka txapelketa
• 11:00 Gastronomikoa. Patata-tortilla
• 11:00 Areatza kaia. Laborantza ekologiko tailerra
• 14:30 Areatza. Sulkadaritza lehiaketako sarien banaketa
• 15:00 Areatza. XV. Mus txapelketa
• 20:00 Zazpi kaleak. Bilbo Kantari
• 20:30 Arriaga plaza. Suzko zezena

Abuztuak 22, asteazkena

• 09:00 Areatza. Sukaldaritza lehiaketa: Txipiroiak bere tintan. Izena ematea
• 10:00 Txistularien diana eta txupina
• 10:00 Areatza. Xake-txapelketa. Random Chess
• 11:00 Gastronomikoa. Txipiroiak bere tintan
• 11:00 Zirkuak eta Marijaiak bisita egingo die Basurtuko ospitalean dauden umeei
• 13:00 Kulturgune: Umeentzako antzerkia El Tenderete taldearekin
• 14:30 Areatza. Sulkadaritza lehiaketako sarien banaketa
• 20:30 Arriaga plaza. Suzko zezena

Abuztuak 23, osteguna

• 09:00 Areatza. Sukaldaritza lehiaketa: Bakailaoa bizkaitar erara. Izena ematea
• 10:00 Txistularien diana eta txupina
• 10:00 Areatza. Xake-txapelketa. Aldi berekoak
• 11:00 Areatza.Tira gomas lehiaketa
• 11:30 Areatza. Txupinerei homenaldi txupina
• 12:00 Areatza. Onda txapelketa eta tailerrak
• 13:00 Kulturgune: Ipuin Kontalaria
• 14:30 Fronton de la Esperanza. Jubilatuen bazkaria
• 14:30 Areatza. Sulkadaritza lehiaketako sarien banaketa
• 20:00 Zazpi kaleak. Bilbo Kantari
• 20:30 Arriaga plaza. Suzko zezena

Abuztuak 24, ostirala

• 09:00 Areatza. Sukaldaritza lehiaketa: Bakailaoa pil-pil erara. Izena ematea
• 10:00 Txistularien diana eta txupina.
• 10:00 Areatza. Xake-txapelketa. XV Xake txapelketa (partida arinak maratoia)
• 13:00 Kulturgune. Umeentzako antzerkia Goloka taldearekin
• 14:30 Areatza. Sulkadaritza lehiaketako sarien banaketa.
• 17:00 Uribitarte. Ur jolasak
• 17:00 Areatza: XVI. Hiri Krosa herrikoia. (Arautegia). Lehengo Irteera: Pre-benjamin, benjamin eta alebin kategoriaren neskentzat
• 17:15 Areatza: XVI. Hiri Krosa herrikoia. Bigarren Irteera:  Pre-benjamin, benjamin eta alebin kategoriaren mutilentzat
• 17:30 Areatza: XVI. Hiri Krosa herrikoia. Hirugarren Irteera:  Haur, kadete eta gazte kategoriaren neskentzat
• 17:30 Sestaotik Udaletxera. Ibaizabaltik Herriko piraguen jaitsiera
• 17:30 Santurtzitik Udaletxera. Nerbioitik jaitsiera ekologista
• 17:45 Areatza: XVI. Hiri Krosa herrikoia. Laugarren Irteera:  Haur, kadete eta gazte kategoriaren mutilentzat
• 18:00 Areatza: XVI. Hiri Krosa herrikoia. Bosgarren Irteera:  Elbarrituak
• 18:00 Uribitarte. Uraren eguna “Ur jolasak”
• 18:20 Areatza. XVI. Hiri Krosa herrikoia. Seigarren irteera: Txupeteak eta txikiak kategoriaren neskentzat
• 18:30 Areatza. XVI. Hiri Krosa herrikoia. Zazpigarren irteera: Txupeteak eta txikiak kategoriaren mutilentzat
• 18:45 Areatza. XVI. Hiri Krosa herrikoia. Zortzigarren irteera: Senior, Junior, Promesak eta beteranoak
• 20:30 Arriaga plaza. Suzko zezena

Abuztuak 25, larunbata

• 09:00 Areatza. Sukaldaritza lehiaketa: Marmitakoa. Izena ematea
• 09:00 Zabalguneko Merkatua. XIII. Xake Txapelketa
• 10:00 Txistularien diana eta txupina
• 12:00 Areatza. Ardo dastaketa
• 13:00 Kulturgune. Umeentzako antzerkia. TTR teatro “Salam” antzezlanarekin
• 14:00 Areatza. Konpartsen bazkaria
• 14:30 Areatza. Sulkadaritza lehiaketako sarien banaketa
• 17:30 Areatza. Herri kirolak: Konpartsen arteko Xiba lehiaketa. Amaitu ostean, herri kirolen sarien banaketa, Bandera urdina eta marroiaren banaketa eta “palmada” sariaren banaketa
• 20:00 Zazpi Kaleak. Bilbo Kantari
• 20:30 Arriaga plaza. Suzko zezena

Abuztuak 26, igandea

• 09:00 Areatza. Sukaldaritza lehiaketa: Buztan-gisatua. Izena ematea
• 10:00 Txistularien diana eta txupina
• 14:30 Areatza. Sulkadaritza lehiaketako sarien banaketa
• 20:30 Arriaga plaza. Suzko zezena
• 23:00 Areatza-Udaletxea. Jaien amaiera berezia eta agurra Marijaiari

Guneak

• Euskalgune: Txori Barrote – Eguzkizaleak – Hau Pittu Hau – Abante
• Kulturgune: Altxaporrue – Txinbotarrak – Satorrak
• Triangune: Mekauen – Bizizaleak – SinKuartel
• Karpagunea: Askapeña – Pa..Ya
• Arriagaren atzekaldea: Kaskagorri + Kaixo + Kobeta Mendi

Iturria: Bilboko Branka

Peru Isasiren “Marylinjaia” lanak iragarriko du, abuztuaren 18tik 26ra ospatuko den 2012ko Aste Nagusia. Bilbotarrek emandako bozken %75arekin eta epaileek gehitutako %25arekin hartu dute erabakia eta Isasik 2.500 euroko saria jasoko du bere kartela Bilbo txoko ezberdinetan ikusgai jartzeaz gain.

“La mirada de Marijaia”, “De la chistera”, “34 Marijaiak”, “Marijaia o Picajaia”, “Marylinjaia” eta “Aste Nagusia Internacional” lanak izan ziren 2012ko Aste Nagusiko kartelen lehiaketako sei finalistak eta azkenean Peru Isasi diseinatzailearen “Marylinjaia” izan da irabazlea. Bere kartela aurtengo jaien irudia izango da eta horretaz gain, 2.500 euroko diru sarrera irabazi du.

245 lagun aurkeztu ziren Aste Nagusiko kartelen lehiaketara eta sei finalisten lanak Zabalgune eraikinean eta bilbao.net web gunean ikusgai egondira ekainaren 25etik 29ra. Era horretan, bilbotarrek lan guztiak ikusteko eta euren botoa emateko aukera izan dute bertan, zein Aste Nagusiko facebook kontuaren eta lehiaketaren laguntzaile diren komunikabideen bidez.

Erabakia hartzeko orduan, bilbotarrek bozken %75a izan dute eta epaimahaiak %25ekoa. Azken horretan, Jai Batzordeko ordezkari politikoak diren Pilar Muerza eta Goyo Zurrok; Iñaki Leonardo Bilboko Konpartsakeko bozeramaileak; Unai Izquierdo El Correo TVko kazetariak; Eusko Irudigile elkarteko Daniel Martinek eta Jose Antonio Nielfak “La Otxoak” parte hartu dute, Itziar Urtasun Udaleko Jaietako zinegotzia izan delarik zuzendaria.

Larrosa koloreko kamiseta jantzita, Zaratas konpartsako kide batek botako du aurten Aste Nagusiko txupinazoa. Atzo egin zen zozketa ohiko bileran eta konpartsa guztien artean Zarataseri egokitu zaio jaiei hasiera ematea. Konpartsa Tas-Tas Irrati Librearen entzule, kide eta lagunek osatzen dute. Irrati beraren aktibitatearen sostengua eta entzule eta lagunen jai giroko parte-hartze gisa definitzen da. Kamiseta arrosa daramate konpartsa kide guztiek, aurrean euren logoarekin eta atzean Zaratas izenarekin. Zorionak!

Iturria: Bilboko Branka

2012ko Aste Nagusiko kartelen lehiaketako sei finalistak ezagutzera eman dituzte epaimahaiko kideek. Aurten 245 lan aurkeztu dira, aurreko urtean baino 15 gehiago, eta irabazleak Zabalgune Eraikinean eta bilbao.net web gunean ikusgai egongo dira ekainaren 25etik 29ra, Bilbotarrek euren botoa eman dezaten.

Hiritarrek “La mirada de Marijaia”, “De la chistera”, “34 Marijaiak”, “Marijaia o Picajaia”, “Marylinjaia” eta “Aste Nagusia Internacional” lanetatik bakarra aukeratu beharko dute, beraz, hilaren 25etaik 29ra, Zabalgune Eraikinean, Udalaren web orriaren bidez (www.bilbao.net), Aste Nagusiko facebookeko kontu ofizialetik eta lehiaketaren laguntzaile diren komunikabideen bidez botoa emateko aukera izango dute.

Epaimahaia Jai Batzordeko ordezkari politikoak diren Pilar Muerza eta Goyo Zurrok; Iñaki Leonardo Bilboko Konpartsakeko bozeramaileak; Unai Izquierdo El Correo TVko kazetariak; Eusko Irudigile elkarteko Daniel Martinek eta Jose Antonio Nielfak “La Otxoak” osatu dute eta Itziar Urtasun Udaleko Jaietako zinegotzia izan da zuzendaria.

Herri-bozketa honen bidez puntuazioaren %75a erabakiko da (aipatutako sistema bakoitzari %25ra dagokio). Gainerako %25a epaimahaiaren bozketaren bidez erabakiko dute eta irabazleak 2.500 euro eskuratuko ditu.