Jaiak euskaraz bizi!

Euskara Saria 2017: URIOLA

Aste Nagusiko ostegunean, abuztuaren 24an, arratsaldeko 17:00ean, Hau Pittu Hau euskaldunon konpartsak Euskara Saria emango du. Aurtengo sariduna URIOLA izango da.

Hau Pittu Hau Konpartsak Euskara Sariaren bidez Bilbon eta Euskal Herri osoan euskararen alde hainbat eta hainbat taldek eta lagunek egindako lana saritu nahi du Aste Nagusian.

Aurtengo Euskara Saria Uriolari eman nahi diogu. Uriola Bilboko euskarazko komunikabide digitala da. Tokiko albisteak eskaintzen dizkigu geure hizkuntzan eta, gainera, euskaldunon eta herri mugimenduko eragileon topaleku birtuala ere bada, albisteak eta agenda trukatzeko lekua. Bilboko auzoetako jaien berri izan nahi duzu? Uriolan aurkituko duzu. Aste Nagusiaren jarraipena egiten duen medio euskaldun baten bila zabiltza? Uriola da zeure komunikabidea.

Uriolak bilbotarroi euskaraz bizitzea errazten digu. Gertuko albisteak euskaraz eskainiz ezinbestekoa den esparru bat betetzen du: Bilboko berriak jasotzea, gertukoak, baita hainbat eragilek antolatutako ekimenen berri izatea ere. Eta erdarazko medioetara jo beharrik gabe. Gainera, denok osatzen dugu Uriola: laguntzaileok, eragileok, irakurleok,… denon laguntzarekin egiten du aurrera eta denon topalekua da.

Euskarazko komunikabideak indartuz euskaraz bizitzeko ateak zabaltzen ditugu. Horregatik bilbotar euskaldunoi dei egin nahi diegu euskarazko komunikabideak indartu, kontsumitu, zabaldu eta erreferentzial bihurtzera.

Trikiziok Hau Pittu Hau musikatu du!!

Gure konpartsaren 30. urteurrena ospatzeko, abesti hau sortu dute; jai herrikoiak, euskara, Aste Nagusia, euskaldunak… ardatz

Txosnagane 2017

Datorren asteburuan nondik ibiliko garen, besteak beste…

2017ko inauteriak

2017ko inauteriak

Inauterien egun handia itxura ezin hobea zuen larunbateko goiz hartan, giro eguzkitsua eta hainbat eta hainbat ekitaldi aurretik. Azken urteetan bezala, Bilboko Kale Nagusia izango zen festaren erdigunea. Baina, ezer baino lehen, mozorroen azken detailetxoak egiteke genituen, horregatik, goiz-goizetik lotu ginen Luis Iruarrizagako egoitzan gure burua armiarma bihurtzeko.

Zortzi hanketako motxila eta zenbait begi itsatsita zituen zinta jantzi ostean, prest geunden jaiari hasiera emateko, hortaz, gure bi karritoak hartu ostean (bata musikarentzat eta bestea edari magikoarentzat) Plaza Zirkularrerantz jo genuen. Bertan, txanpaina irekitzearekin batera, festari hasiera eman genion.

Gure lehenengo jo puntua bertso saioa izan zen, zeinetan, besteak beste, Arkaitz Estiballes eta Oihana Bartra aritu ziren. Bertsolarien kantuekin batera gure tenperatura gora zihoan eta hauek bukatu bezain pronto, Ledesma kalera jo genuen gure sareak zabaltzera. Bertan, inguru horretan gutxitan entzuten den euskal musika eraman genuen gure karrito-bafle berpiztuan, nahiz eta egunak aurrera egin ahala honek ere gainbehera nabarmena izan.

Konturatu baino lehen, bazkalordua ailegatu eta Albiako taberna batera joan ginen gure sabelak isilaraztera, non bokatak etengabe atera eta segituan desagertzen ziren. Kafeak postrearena egin eta, segituan, desfilean egin beharreko dantza entseatzeari ekin genion. Deskoordinazioa eta erritmo falta izan ziren protagonista entseguan, baina, ekinaren ekinez, dantza hobetuz joan zen. Hori dela eta, Astarloako eszenatokira hurbildu ginen Kaotiko talde beteranoak ematen ari zen kontzertuaren azken txanpa ikustera. “Otra Noche” abesti mitikoa bukatu bezain laster desfilearen garaia zela ohartu ginen, hortaz, berriro ere, Plaza Biribilera zuzendu ginen aurretik prestatutako dantza bilbotarrei erakustera.

Arratsaldeko 17:30etan esatariak “Hau Pittu Hau!” oihukatu, eta Esne Beltzaren “Euskaraz bizi nahi dut” kantarekin batera, gure dantza egiten hasi ginen. Konturatu baino lehen gure emanaldia bukatu eta Garilak 26 taldearen kontzertura joan ginen.

Eguzkiaren azken argi izpiak zeruak utzi ostean, Alde Zaharrera jaitsi ginen, non gauak aurrera egin ahala, konpartsakideok Zazpi Kaleetan zehar sakabanatuz joan ginen.

Benetan egun polita eta bizia aurtengoa. Jada irrikitan gaude datorren urtekoa heltzeko, baina, aurretik, hainbat data garrantzitsu ditugu oraindik: Korrika, HPH-ren 30.urteurrenaren ospakizuna, Aste Nagusia… Alegia, urtea hasi besterik ez da egin!

Gora jai euskaldun eta herrikoiak!

Aste Nagusiko (2014) kronika

2017ko inauteriak

Inauterien egun handia itxura ezin hobea zuen larunbateko goiz hartan, giro eguzkitsua eta hainbat eta hainbat ekitaldi aurretik. Azken urteetan bezala, Bilboko Kale Nagusia izango zen festaren erdigunea. Baina, ezer baino lehen, mozorroen azken detailetxoak egiteke genituen, horregatik, goiz-goizetik lotu ginen Luis Iruarrizagako egoitzan gure burua armiarma bihurtzeko.

Zortzi hanketako motxila eta zenbait begi itsatsita zituen zinta jantzi ostean, prest geunden jaiari hasiera emateko, hortaz, gure bi karritoak hartu ostean (bata musikarentzat eta bestea edari magikoarentzat) Plaza Zirkularrerantz jo genuen. Bertan, txanpaina irekitzearekin batera, festari hasiera eman genion.

Gure lehenengo jo puntua bertso saioa izan zen, zeinetan, besteak beste, Arkaitz Estiballes eta Oihana Bartra aritu ziren. Bertsolarien kantuekin batera gure tenperatura gora zihoan eta hauek bukatu bezain pronto, Ledesma kalera jo genuen gure sareak zabaltzera. Bertan, inguru horretan gutxitan entzuten den euskal musika eraman genuen gure karrito-bafle berpiztuan, nahiz eta egunak aurrera egin ahala honek ere gainbehera nabarmena izan.

Konturatu baino lehen, bazkalordua ailegatu eta Albiako taberna batera joan ginen gure sabelak isilaraztera, non bokatak etengabe atera eta segituan desagertzen ziren. Kafeak postrearena egin eta, segituan, desfilean egin beharreko dantza entseatzeari ekin genion. Deskoordinazioa eta erritmo falta izan ziren protagonista entseguan, baina, ekinaren ekinez, dantza hobetuz joan zen. Hori dela eta, Astarloako eszenatokira hurbildu ginen Kaotiko talde beteranoak ematen ari zen kontzertuaren azken txanpa ikustera. “Otra Noche” abesti mitikoa bukatu bezain laster desfilearen garaia zela ohartu ginen, hortaz, berriro ere, Plaza Biribilera zuzendu ginen aurretik prestatutako dantza bilbotarrei erakustera.

Arratsaldeko 17:30etan esatariak “Hau Pittu Hau!” oihukatu, eta Esne Beltzaren “Euskaraz bizi nahi dut” kantarekin batera, gure dantza egiten hasi ginen. Konturatu baino lehen gure emanaldia bukatu eta Garilak 26 taldearen kontzertura joan ginen.

Eguzkiaren azken argi izpiak zeruak utzi ostean, Alde Zaharrera jaitsi ginen, non gauak aurrera egin ahala, konpartsakideok Zazpi Kaleetan zehar sakabanatuz joan ginen.

Benetan egun polita eta bizia aurtengoa. Jada irrikitan gaude datorren urtekoa heltzeko, baina, aurretik, hainbat data garrantzitsu ditugu oraindik: Korrika, HPH-ren 30.urteurrenaren ospakizuna, Aste Nagusia… Alegia, urtea hasi besterik ez da egin!

Gora jai euskaldun eta herrikoiak!

muntaiaAste batzuk pasatu diren arren, Aste Nagusiari errepaso bat egin nahi izan diogu, artikulu honetan, argazki batzuekin batera.

Jaiak ondo hasteko, txupinaren egunean bertan bazkaritxoa egin genuen txosna aurrean, bakoitzak etxean egindakoak ekarrita (patata tortillak, enpanadillak, denetariko sanwitxak, postreak,…). Ederto bazkaldu genuen eta konpartsakideek (batzuek, behintzat) sukaldean ere primeran moldatzen direla erakutsi zuten.bazkaria

Bazkalostean, trikitilariek lagunduta, Bilbiko plazara joan ginen, Konpartsa guztietako konpartsakideok han batu baikinen jaitsiera bertatik hasteko. Arratsaldeko 5etan hasi zen, beraz, jaitsiera, geure trikitilariak eta ingurukoen denetariko musikak lagunduta, eta dantzaz, banderez eta kolorez gainezka egin zuten Zazpi Kaleetako txoko guztiek.

7etan izan zen txupina Arriagan, jaiei hasiera emateko. Mari Jaia balkoian agertu zen eta, horrekin batera, Bilboko Aste Nagusia hasi zen. Jaigunean zehar ibili ginen gero, Mari Jaiarekin batera txosnak zabaltzen.

Astelehenean izan genuen Euskal Guneko konpartsa guztion arteko bazkaria. Egun hartan, gurekin batera egon ziren UEMAko ordezkari batzuk eta, bazkalostean, eurek hartu zuten, HPHren eskutik, Euskara Saria. Horrela, UEMAren euskaraz bizitzearen aldeko apustua saritu nahi izan dugu.

euskera saria

Ostegunean ere izan genuen bazkaria, Euskaraz Bizi bazkaria, beste behin ere jaiak euskaraz bizi nahi dugula gogoratuz. Bazkalostean, kitarraz lagunduta kantuka ibili ginen.

Baina bazkariez eta juergez gain, egitarauko hainbat ekintzetan parte hartu genuen Hau Pittu Hauko kideok: ostegunean bertan, Futbol 3-n parte hartu zuten geure 3 konpartsakidek, baita irabazi ere!, ostilalean hiri krosean ere beste bi kidek parte hartu zuten eta Konpartsen arteko pintxo lehiaketarako ere pintxo eder ederra prestatu genuen. Urtero bezala, asko izan ginen herri kiroletara eta ur jolasetara ere joan ginenok, eta bietan ere parte hartu genuen!

burger

Eta, Euskal Guneko programazioaren barruan ere denetarikoa izan genuen: dantza latinoen ikastaroa, umeen jolasak, eskulan tailerrak, karaokea, kontzertuak (Gose, Las Tea Party, Mac Onak, Garilak 26,…). Horietaz guztietaz gozatzeko aukera izan genuen.

tea pàrtyAzkenengo domekan, 9 egunetan gelditu barik ibili ostean, agur esan genion Mari Jaiari. Datorren urtera arte!

Primerako Aste Nagusia bizi izan dugu konpartsakideok, baita euskaraz bizi ere!!

Zeuok ere, animatu eta jaiak euskaraz bizi!!!

Gora jai euskaldun eta herrikoiak!!

Euskal Guneko egitaraua 2014

egit

UEMAk jasoko du Hau Pittu Hau konpartsaren 2014ko Euskara Saria

Aste Nagusiko astelehenean, abuztuak 18, arratsaldeko 16:30ean, Hau Pittu Hau euskaldunon konpartsak, urtero legez, Euskara Saria emango du. Aurtengo sariduna, Udalerri Euskaldunen Mankomunitatea izango da.

hau pittu hau

Hau Pittu Hau Konpartsak ematen duen Euskara Sariaren asmoa hainbat eta hainbat taldek eta lagunek euskararen alde egiten duten lana aitortzea eta saritzea da. 2003an hasi ginen sari hau banatzen Aste Nagusiko astelehenean eta, ordudanik, urtero euskararen alde denetariko arlotan lan egiten duten norbanako zein taldeek eta elkarteek irabazi dute.

Aurtengo Euskara Saria Udalerri Euskaldunen Mankomunitateari emango diogu. Izan ere, UEMAren helburua eta konpartsarena berbera baita: Euskal Herri euskalduna lortzea.

UEMAko udalerrietako biztanleriaren %70k baino gehiagok euskaraz badaki eta, testuinguru horretan, bizitza sozial guztia euskaraz izan dadin neurriak hartu eta euskara nagusi izango den lurgunea osatzea dute helburu. Bide horretan, euskararen arnasgune diren udalerri hauek urrats garrantzitsua egin dute. Instituzioek dituzten sasi-elebitasun politikek euskaldunok ez gaituztela asetzen agerian utzi eta euskara hutsean funtzionatu daitekeela erakutsi dute.

Hau Pittu Hauren ustez, euskara Euskal Herri osoan hizkuntza hegemonikoa izatea nahi badugu, ezinbestekoak dira honelako urrats ausartak. Gaur egun indarrean dauden hizkuntza politikek, oraindik ere, ez dute bermatzen euskaldunok geure herrian bertan euskaraz bizi ahal izatea. Horregaitik, beharrezkoa iruditzen zaigu hizkuntza politika hauen mugak eta elebitasunaren diskurtsu faltsua gainditzea.

Udal administrazioak, herritarrongandik hurbilen dagoena izanda, euskararen aldeko lan handia egin dezake. Hainbat zerbitzu eskaintzen dituenez (kiroldegiak, liburutegiak, udaltzainak, autobus zerbitzuak,…), nahitaez hura euskaldundu beharko da euskaldunon hizkuntz eskubideak bermatzeko. Tamalez, ez gara garrantzi horretaz ohartu garen bakarrak. Izan ere, azkenaldi honetan espainiar gobernutik heldu diren helegiteen jopuntua izan dira, hain zuzen, udalerri euskaldunek egin nahi izan dituzten urratsak, eta ez dugu uste kasualitate hutsa izan denik. Bide onetik zoazten seinale.

Horregatik guztiagatik, UEMA zoriondu eta bere lana saritu nahi izan dugu. Euskaraz normaltasun osoz funtzionatzeak duen garrantzia azpimarratu nahi dugu. Euskal Herri osorako lor dezakegunaren adibide zarete. Gune euskaldunei eutsiz eta zabalduz lortuko dugu, pausuz pausu, Euskal Herri euskalduna irabaztea.

 

 

 

 

 

JAIAK EUSKARAZ BIZI!!

Jaiak bizitza sozialaren zati garrantzitsua izaten dira. Harremanetarako topalekua izaten dira, lagunekin egoteko, jendea ezagutzeko eta ondo pasatzeko. Inguruan dugun kulturaren erakusleiho ere badira. Txosnetan entzuten dugun musika, antolatzen diren ehunka jarduerak edota ikus ditzakegun kontzertuak, kultur adierazpideak ere badira.

hau-pittu-hau-2Hori dela eta, euskaltzaleok jaiei garrantzi berezia ematen diegu. Bilbotar euskaldunok euskaraz bizi nahi dugu esparru guztietan: ikasketetan, lanean, etxean… baita jaietan ere. Jai herrikoiak eta parte hartzaileak gustuko ditugu, herritarrok herritarrontzako eginak, eta euskaldunok euskaldunontzako ere bai.

Euskarak esparruak irabazten joan behar du. Eta, jaiak herritarrok eraikitako eremu izanda, euskaldunon esku dago horietan eragitea eta jai herrikoiak esparru euskaldun eta euskaltzale bihurtzea, euskara erabiliz eta defendatuz.

Horregatik, euskaldunoi dei egin nahi dizuegu, Aste Nagusian zein Bilboko auzoetako jaietan, Inauterietan, Santo Tomasetan eta abarretan, euskaraz parte hartzera eta euskaraz bizitzera! Horrela eraikiko ditugu jai euskaldunak eta Bilbo euskalduna!

Hau Pittu Hau, Euskaldunon Konpartsa

haupittuhau@haupittuhau.org

Egitarau bikaina gaur Iralako jaietan

Astean barrena poliki sartzen doaz Iralako jaiak eta irmo eusten diote egitarauari hainbat tailer eta antzerkiren eskaintzarekin. Gaurkoan gorputza astintzeko, eralaxatzeko eta sukaldaritzan trebatzeko tailerrak eta lehiaketak izango dira. Arratsaldeari amaiera emateko, sardinajana goxoa!

 

 

Imagen 1

 

 

Egitaraua
Ekainak 17, asteartea

-11:00. Ahots tailerra Biltegian.
-17:00. Puzgarriak.
-17:30. Dantza eta mugimendu adierazkorren tailerra Biltegian.
-18:00. Gallego Gorria antzerki taldearen eskutik `Uretan batera´antzezlana.
-18:30. Sasoiko barazkien sukaldaritza tailerra eta ondoren, Master Chef entsalada lehiaketa.
-19:30. Errelajazio eta luzaketa tailerrak Biltegian.
-20:00. Sardinajana Trikikupelaren eskutik.

Ekainak 18, asteazkena

-17:00. Puzgarriak.
-18:00. Malas Compañias zirku taldearen eskutik umeei zuzendutako `Orsai´ antzezlana.
– 22:00. Zinema parkean.

Ekainak 19, osteguna

-17:00. Puzgarriak.
-18:00. Patata tortila lehiaketa.
-19:30. Tortilen aurkezpena.
-21:00. `Lupita la ingrata y el tierno desaboria. Rancheras y otros rencores´ antzerkia.

Ekainak 20, ostirala. Iralako Gazte Eguna

-14:30. Bazkari herrikoia.
-17:30. Antzerkia.
-18:30. Kutrepoteoa.
-22:00. Akats, Las Tea Party dj´s eta Dj MaDbol en kontzertuak.

Ekainak 21, larunbata. Irola Eguna

-12:00. Programaren emisioa ateak irekita.
-14:30. Bazkari herrikoi beganoa.
-17:30. Kontzertuak skate gunean.
-18:00. Rolling cheasse.
-23:00. Oxabi taldearen berbena.

Ekainak 22, igandea

-12:00. Puzgarriak.
-13:00. Gozo-eltzea.
-18:00. Gynkana kultur anitza.
-17:00. Munduko abeslarien kontzertuak: `Eslaba gaua´ eta `Tania Molina (El Salvador)´.

Ekainak 23, astelehena. San Juan Gaua

-19:00. Txokolatada.
-22:00. San Juan sua eta jaien bukaerako traka.
-23:00. Sorgiñe taldearen erromeria.

 

 

Iturria: uriola.info

 

Hau Pittu Hauko kideok ere, Udalarekin euskaraz!

Konpartsakideok, aurrekoan izan genuen bilera aprobetxatuz, Euskal Herrian Euskaraz-ek martxan duen “Udalak eta biok euskaraz” dinamikari geure atxikimendua erakutsi nahi izan diogu. 
EHEren dinamikaren helburua euskaldunok Udalarekin dugun harremana euskarazkoa izateko eskaerak batzea da. Udalarekin dugun harremana esaten dugunean, Udalaren esku dauden leku guztietan (liburutegia, udaltegia, polikiroldegia,…) jasotzen dugun arreta euskarazkoa izatea adierazi nahi dugu, bai ahozko arreta, baita idatzizkoa ere. 
hph
Konpartsako kideok, bilbotarrak eta euskaldunak garen heinean, euskaraz bizi nahi dugu esparru guztietan eta horretarako geure eskubidea aldarrikatu nahi izan dugu horrela. 
Bestalde, Bilboko EHEk eskaera hauen bidez, Udalarekiko harremana euskarazkoa izatea eskatzeaz gain, administrazioak helduen doako euskalduntzea bermatzea ere eskatu nahi izan dugu.
Uda hurbilduz doa eta, ekimen honen bidez, euskaraz bizitzen eta euskararen alde egiten jarraituko dugula berretsi nahi izan dugu eta artikulu hau aprobetxatu nahi dugu bilbotar euskaldun guztiak gurekin jaiak euskaraz bizitzera gonbidatu nahi zaituztegu. 
 
Gora jai euskaldunak eta Bilbo euskalduna!