Bilboko Hau Pittu Hau konpartsaren webgunea
Kukutzako asanbladaren kide ohiak eta abokatuak guztiz beharrezkoa ikusten dute atxilotuak izan zirenekin eta inputatuekin, kolektiboekin eta modu pertsonalean parte hartu nahi duten pertsonekin bilera bat egitea egongo diren epaiketei erantzuteko.
Egoera nola dagoen, kurtsoa nola datorren eta ze gauzak egin ahal diren hitz egiteko hurrengo ostegunean, irailak 13, ekoetxean (Pelota kalea, 5) 19:30etan bilduko dira. Bilera honetan zuen ideiak eta proposamenak botatzea gustatuko litzaieke.
Argazkian, 2011ko irailaren 21ean bortizki hustu zuen Errekaldeko Kukutza gaztetxea Ertzaintzak / © Bilboko Branka
Kukutzako asanbladaren kide ohiak eta abokatuak guztiz beharrezkoa ikusten dute atxilotuak izan zirenekin eta inputatuekin, kolektiboekin eta modu pertsonalean parte hartu nahi duten pertsonekin bilera bat egitea egongo diren epaiketei erantzuteko.
Egoera nola dagoen, kurtsoa nola datorren eta ze gauzak egin ahal diren hitz egiteko hurrengo ostegunean, irailak 13, ekoetxean (Pelota kalea, 5) 19:30etan bilduko dira. Bilera honetan zuen ideiak eta proposamenak botatzea gustatuko litzaieke.
Argazkian, 2011ko irailaren 21ean bortizki hustu zuen Errekaldeko Kukutza gaztetxea Ertzaintzak / © Bilboko Branka.
Bihar hasiko dute Kukutza proiektuaren aurkako operazioen harira egin behar duten lehenengo epaiketa. Kukutzaren web gunean (kukutza.blogspot.com) ezagutzera eman dutenez, hilabete honetan bi prozesu ezberdin epaituko dituzte. Urtarrilaren 11tik 13ra, azaroaren 16an Kukutza II gaztetxea izan zena berriz okupatu zuten lagunen kontrako epaiketa burutuko dute Bilboko Auzitegian. Hurrengo asteetan, ostera, Kukutza IIIko hustean eraikin barruan erresistentzian aritu ziren kideen kontrakoa egingo dute. Datozen asteetan, berriz, Kukutza III hustean gaztetxe barruan kanporatze saiakerari eusten aritu ziren lagunen aurkako prozesua hasiko dute.
Kukutza IIko okupazioari dagokion autoak dioen arabera, auzipetuei ez diete usurpazio deliturik leporatzen, jabegoaren kontrako kalteak baizik. Larraskitu kaleko 27. zenbakian sartu zen taldearen helburua ″eraikina azken 13 urtetan hutsik egon dela salatzea″ izan zen, 1998. urtean Kukutzako kideak handik bota zituztenetik, hain zuzen ere.
13 urte hauetan, eraikin horrek sua hartu du, etxegabekoentzako aterpea izan da, eta auzokideentzako arriskua izan da, azpimarratu du Kukutza kolektiboak. Orain, eraikina okupatu zutenei 9.000 euroko kalte ordain eskaera egiten die jabeak, atea, horma eta leihoak apurtu zituztela argudiatuta. Egun hartan bertaratutako hedabideek ateratako irudiek, ordea, argi erakusten dute Ertzaintza bera izan zela atea apurtu eta horman zuloa egin zuena.
Zigor eskaera horiek argi uzten dute, Kukutzako kideen aburuz, egun horretan ertzainek buruturiko operazioak ez zuela usurpazio delitu bat gelditzeko helburua, gaztetxe berri bat sortzeko saiakera galaraztea baizik.
Auzokideen salaketa
Errekaldeberriz auzo elkarteko kideek salaketa (pdf) jarri dute Udalaren aurka, Kukutza Gaztetxearen eraistean izandako jokaera legez kontrakoa dela uste baitute. Auzokideek uste dute ohiko prozedura jarraitu beharrean Iñaki Azkuna alkateak defendatzen omen duen Legea bera urratu zuela zentro kulturala desagerrarazteko.
Errekaldetarrek uste dute gehiengo absolutua lortu zuenetik auzokideei kalte handiak ekarri dizkieten erabakiak hartu dituela. Adibide gisara zenbait autobus linea luzatzeari uko egin izana, eskuketari topaketetan parte hartu zutenentzat lo egiteko lokal bat uzteari uko egin izana edo Kukutzaren eraistearen aurka Beilategi etxebizitza multzoan eragindako pitzadura eta arrakalak aipatu dituzte. Hori gutxi balitz, datozen egunotan auzoan inauguratu behar duten Udal zentroa 40 urte berandu helduko dela salatu dute.
Argazkian, 2011ko irailaren 21ean bortizki hustu zuen Errekaldeko Kukutza III gaztetxea Ertzaintzak / © Bilboko Branka.
Kukutza IIIren aurretik hiru hilabetez okupatuta izan zuten eraikinera sartu ziren atzo arratsaldean 27 gazte, Bilboko Errekalde auzoan. Barnean egondako Kukutzako Asanbladako kideek adierazi dutenez, arratsaldeko 17:30ean sartu ziren eta 18:00etarako ertzaintza agertu zen eraikinaren ingurura. Hurrengo orduetan 300 bat bizilagun bildu ziren kalean eta 20:00etan suhiltzaileek paretan egindako zulotik ertzainak sartu eta gazteak atera zituzten. Barnera sartutako gazte bakoitzari okupazioagatik, identifikatu eta salaketa jarri diote. 21:00 inguruan barnean zegoen azken gaztea atera zute eta suhiltzaileek, egurrezko oholak erabiliz, barnera sartzeko zuloa itxi dute. Larraskitu kalean dagoen fabrika hau orain 13 urte Kukutza II bataiatu zuten orduan okupatu zutenek. Hiru hilera kaleratu egin zituen ertzaintzak eta ordutik, atea beharrean, porlanezko pareta egon da eraikia.
Informazio gehiago: Bilboko Branka
Kukutza III azpiegitura bota dute, baina eraikinak gordetzen zuen arima Errekalde eta Bilbo osoan zabaldu da. Kukutza eraisten hasi zirenetik bi aste bete direnean, proiektuak bizirik eta indartsu dirauela frogatu zuten atzo milaka lagunek. Gaztetxearen aldeko aldarriak kaleak bete zituen berriro, lehen egunean bezain tinko eta umoretsu. Orain, autogestio proiektuetan jarraitzeko garaia dela adierazi zuen Kukutzako asanbladak: “Errekalden epizentroa izan duen lurrikarak milaka erreplika izan ditzan auzoetan eta herrietan”.
Gehiago irakurri: Berria.info
Larunbat honetarako, urriak 8, 18:00etan, manifestazio internazionala deitu du Kukutzako asanbladak, ″Gaztetxea gara!″ lelopean. Martxa Jesusen Bihotzetik abiatuko da.
Larunbat honetarako, urriak 8, 18:00etan, manifestazio internazionala deitu du Kukutzako asanbladak, ″Gaztetxea gara!″ lelopean. Martxa Jesusen Bihotzetik abiatuko da. Kukutzako kideek gaztetxeen beharrezkotasuna azpimarratu nahi izan dute sare sozialen bitartez zabaldutako deialdian. ″Bai Errekalden, Euskal Herrian eta mundu osoan, gaztetxeak mundua eraldatzeko tresna dira, antolatzen ikasteko lekuak, bizitzen ikasteko lekuak, borrokatzen ikasteko guneak″, diote. Gaztetxeko lagunen iritziz, ″mundu madarikatu hau aldatu behar dugu, buelta eman behar diogu egoera honi″, eta bide horretan, gaztetxeek ″ezinbesteko funtzioa″ betetzen dutela uste dute. Hala izanik, Euskal Herri osoko gaztetxekideei manifestaziora Kukutzaren aldeko pankartak eramateko eskatu diete.
“Denok gara Kukutza, Kukutza aurrera!” lelopean milaka lagunok Kukutza kolektiboaren proiektua gaztetxea zegoen eraikinaren eraispenarekin amaitzen ez dela irudikatu genuen atzo Bilboko Kale Nagusian, Bilboko Branka agerkari digitalak zabaldu bezala. Bitartean, eraso salaketak, testigantzak, atxilotuekin elkartasun adierazpenak… jasotzeko laguntza eskatu dute Kukutzakoek. Hain zuzen ere, gaztetxearen hustuketan atxilotutako Flo eta Rafa lagun alemaniarrak gaur aterako ei dira Basauriko espetxetik, mila euroko fidantza ordaindu ostean. Bihar, berriz, danok Pirritx, Porrotx eta Marimotots ikustera Errekaldera! 11:30ean, gaztetxetik hasita kalejira egingo dute auzoan zehar disko berria aurkezten Bonbereneako txarangarekin batera.
19:00etan Eusko Jaurlaritzatik udaletxera.
Dozenaka elkarte eta eragilek bat egin dute deialdiarekin.
Kukutzaren desalojo eta eraispena eta proiektu sozial honenganako edozein motatako elkartasunaren adierazpena galarazi nahi izan duen indarkeria eta basakeria polizialaren aurrean era guztietako gizarte eragile, sindikatu eta alderdi politikoak ekimen honi eta, oro har, sorkuntza eta kultura aniztasuna, aniztasun sozial eta politikoa, ekoizpen alternatiboak, lekuan lekuko sorkuntza defendatzeko eta bultzatzeko ekimenei gure babesa emateko elkartu gara. Zentzu horretan Kukutza proiektuari gure babesa eta elkartasun osoa eskaintzen diogu.
Egun hauetan eman den manipulazioa, eskubide zibilen erabateko urraketa eta botere publikoek (politikoek) proiektu sozial honen zein euren elkartasuna adierazteko kalera atera den jendearen kontrako desitxuratze eta kriminalizazioa salatzen dugu.
1. Bilbon, azken egunetan bizi izan dugun egoeraren erantzule zuzenak izan diren Bilboko alkatearen, Iñaki Azkuna, bere gobernu taldearen eta Barne Sailaren burua den Rodolfo Aresen dimisioa eskatzen dugu.
2. Aste ilun honetan, salbuespen eta setio egoera bat bizi izan dugu eremu guztietatik (judiziala, politikoa eta poliziala) Gainera, egoera hau dela eta, sortu den tentsio eta gatazka egoera ,haien jokabide justifikatzeko erabili dute. Honek, erantzunkizun politiko bat izatea eskatzen dugu.
3. Atxiloketa indiskriminatuen ondorioz atxilotuak izan diren guztien gaineko karguak bertan behera geratzea eskatzen dugu.
4. Ekitaldi honen bidez Udalaren etengabeko ezezkoaren aurreko gure haserrea adierazi nahi dugu. Izan ere, Udalak Errekalde auzoa eta Bilboko beste pertsonen beharrak entzun eta ase beharrean, interes espekulatzaile ilunen menpe jokatzen du.
5. Alternatiba sozialak eraiki eta mundu ezberdin eta hobe batekin amets egiten dugun pertsona eta eragileek pairatu dugun jazarpen eta erasoa salatzen dugu.
6. Elkartasuna, manifestazioak egiteko eskubidea, adierazpen askatasuna eta proiektu alternatiboak bortizki erasotuak izan beharrean, hauek eredutzat hartuko dituen gizarte berdintsu eta justuagoaren aldeko lana defendatu eta bultzatzen dugu.
Gu guztiok, partaidetza sozialaren aldeko konpromisoa eta era batean edo bestean, euren eskubideen urraketa pairatu edo pairatzen duten pertsona guztienganako elkartasuna adierazten dugu.
Kukutza aurrera! Denok gara Kukutza!
