Hau Pittu Hau – Euskaldunon konpartsa

Bilboko Euskalgintzak Euskararen Nazioarteko Eguna dela eta antolatutako ekitaldien artean.

Iñaki Azkunak Bilboko alkateak bi urtetako zigorra ezarri zion 2010eko urtarrilean Txori Barrote konpartsari: bi urtez Bilboko Aste Nagusitik kanporatu du presoen argazkiak erakusteagatik. Orain, ordea, Bilboko Administrazioarekiko Auzien Epaitegiko epaile batek konpartsaren errekurtsoa haintzat hartu eta Azkunaren zigorra baliogabetu du.

Epai hau paraleloki doa Madrilen egiten ari diren epaiketarekin. Gogoratu, Txori Barrote eta Kaskagorriko kideak ari direla epaitzen Madrilen, presoen argazkiak erakustea egotzita.

Epaia eman duen epailearen iritziz, oso zaila da jakitea argazkitan agertzen diren guztiak ETAko presoak ote diren. Hau izan da zigorra baliogabetzeko arrazoi nagusia. Argazkiak erakustea biktimen aurkako ekintza ez dela ere gaineratzen du epaileak, presoen argazkiak erakutsiz hauen gerturatzea soilik aldarrikatzen dutela uste baitu.

Epailearen erabakia helegitea jar diezaioke Udalak, 15 eguneko epean.

Eta Kaskagorri?

Txori Barroteren abokatuak errekurtsoa jarri zion Azkunak ezarritako zigorrari; ez, ordea, Kaskagorrik. Bilboko Konpartsek jarri zuten bigarren helegitea, baina hura ez dute tramitera eraman epaileek. Kaskagorriren aurkako zigorrak, hortaz, indarrean jarraitzen du.

Informazio gehiago: Bilboko Branka

Argazkian, 2011ko irailaren 21ean bortizki hustu zuen Errekaldeko Kukutza III gaztetxea Ertzaintzak / © Bilboko Branka.

Kukutza IIIren aurretik hiru hilabetez okupatuta izan zuten eraikinera sartu ziren atzo arratsaldean 27 gazte, Bilboko Errekalde auzoan. Barnean egondako Kukutzako Asanbladako kideek adierazi dutenez, arratsaldeko 17:30ean sartu ziren eta 18:00etarako ertzaintza agertu zen eraikinaren ingurura. Hurrengo orduetan 300 bat bizilagun bildu ziren kalean eta 20:00etan suhiltzaileek paretan egindako zulotik ertzainak sartu eta gazteak atera zituzten. Barnera sartutako gazte bakoitzari okupazioagatik, identifikatu eta salaketa jarri diote. 21:00 inguruan barnean zegoen azken gaztea atera zute eta suhiltzaileek, egurrezko oholak erabiliz, barnera sartzeko zuloa itxi dute. Larraskitu kalean dagoen fabrika hau orain 13 urte Kukutza II bataiatu zuten orduan okupatu zutenek. Hiru hilera kaleratu egin zituen ertzaintzak eta ordutik, atea beharrean, porlanezko pareta egon da eraikia.

Informazio gehiago: Bilboko Branka

12:30 Triki-poteoa Bilbiko plazatik abiatuta Zazpi Kaleetara.

15:00 Bertso bazkaria Erromdabiden, Zazpi Kaleetako herriko tabernan.

• Andoni Egaña.

• Fredi Paya.

• Unai Iturriaga.

19:00 Kontzertua Zazpi Katun.

• Gibel Urdinak.

Kontzertua bukatzean…

• Karaokea.

• Guatekea.

Bertso bazkarirako txartelak Bilbo Zaharra, Zazpi Kaleak eta Uribarriko herriko tabernetan 15 eurotan salgai.

“Gaueskolak aurrera!” lelopean, larunbat honetarako, azaroak 5, Euskara Zabaltzen herri-ekimenaren aldeko triki-poteoa, bertso-bazkaria, kontzertua eta guateke-karaokea antolatu dute Bilbon Gizarte Ikerketarako Talde Eragileak (GITE), Palanka euskara taldeak, Hitz-ontzik eta Ttanttakak. Gaueskolek dagoeneko hainbat urte daramate martxan Bilbon, eta hainbat bolondresen lanari esker ehunka dira euskara dohainik ikasteko aukera izan duten bilbotarrak. Jakingo duzuen moduan hiru gaueskola ditugu jada: San Frantziskokoa, Uribarrikoa ta Errekaldekoa. Larunbat honetarako guztiak batera antolatu dute bertso-bazkaria.

12:30 Triki-poteoa Bilbiko plazatik abiatuta Zazpi Kaleetara.

15:00 Bertso bazkaria Erromdabiden, Zazpi Kaleetako herriko tabernan.

• Andoni Egaña.

• Fredi Paya.

• Unai Iturriaga.

19:00 Kontzertua Zazpi Katun.

• Gibel Urdinak.

Kontzertua bukatzean…

• Karaokea.

• Guatekea.

Bertso bazkarirako txartelak Bilbo Zaharra, Zazpi Kaleak eta Uribarriko herriko tabernetan 15 eurotan salgai.

Ezabaketa Eguna bezala hasi eta urte luzez Ezabaketa Astea moduan jarraitu duen ekimena atzean utzita “Ezabatu eta euskaraz bizi” egitasmoa aurkeztu zuen atzo EHEk Iruñean. Euskal Herriko paisaia linguistikoak erabat arrotza izaten jarraitzen duen honetan, gaurtik aurrera herri euskaldunak bizi duen zapalkuntzaren mugak azaleratu, hizkuntza paisaia irauli eta berau kolorez zipriztintzeko deia egin die herri mugimenduko eragileak euskaltzaleei.

Argazkian, EHEren gaurko agerraldia Iruñean / © EHE.

Ezabaketa Eguna bezala hasi eta urte luzez Ezabaketa Astea moduan jarraitu duen ekimena atzean utzita “Ezabatu eta euskaraz bizi” egitasmoa aurkeztu du gaur EHEk Iruñean. Euskal Herriko paisaia linguistikoak erabat arrotza izaten jarraitzen duen honetan, herri euskaldunak bizi duen zapalkuntzaren mugak azaleratu, hizkuntza paisaia irauli eta berau kolorez zipriztintzeko deia egin die herri mugimenduko eragileak euskaltzaleei.

Euskal Herrian Euskarazek (EHE) zabaldutako oharra:

Azkeneko asteetan gatazka politiko eta armatuaren konponbidearen inguruko iritzi asko entzun ditugu Euskal Herrian. Baina oso iritzi gutxi, edo bat bera ere, gatazka politikoak herri honen izaera eta biziraupenari eragindako ondorioetaz, gatazka politikoak eta asimilazio prozesuak herri euskaldunari eragindakoaz.

Gatazka politikoarekin batera kokatu behar dugu, ezinbestez, herri hau menperatzeko aspaldi abiatutako asimilazio prozesua. Eta horrekin batera, noski, bizi dugun hizkuntza gatazka bera ere, eta egun espainiera eta frantsesa direla hizkuntza nagusiak euskararen herrian. Prozesu honek euskarari, euskaldunari eta herri euskaldunari emandakoa eta kendutakoa aztertu behar dugu Euskal Herriaren konponbideaz hitz egiteko garaian.

Herri euskaldunarentzat benetako konponbideari ekiteko, asimilazio prozesua gelditzean jarri beharko dugu lehentasuna. Prozesua luzea izan da, eta oraindik orain, Euskal Herria menperatzeko helburu duten espainiar eta frantziar estatuek euren esku dauden tresna guztiak darabilte. Euskarak menpeko izaera politiko eta soziala du bere lurralde osoan. Eta hizkuntza zein kultura ordezkapenarekin jarraitzeko edozein bide da zilegi: eskolak ez du euskalduntzen, eta hala ere, hirueleaniztasuna bultzatzen dute, arlo guztietan euskaldunon eskubideen urraketa etengabea da, euskarak ia ez du presentziarik lan munduan, euskaraz bizitzeko trabak baino ez ditugu ezagutzen.

Asimilazioaren aurrean, ezabatu eta euskaraz bizi!

Asimilazio prozesua gelditzean jarri behar dugu lehentasuna beraz, euskaldun bakoitzak eta herriak. Euskarari lehentasuna emanez egin behar dugu bidea. Eta egoera iraultzeko bertatik bertara adostu eta sortutako hizkuntza-politika burujabea behar dugula aldarrikatu behar dugu.

Bide horri hauspoa emateko antolatu du EHEk EZABATU ETA EUSKARAZ BIZI ekimena. Bizi dugun hizkuntza gatazkan eta menpeko egoeraren aurrean, herri euskaldunaren zapalkuntzaren mugak eta hizkuntza paisaia kolorez zipriztindu nahi ditugulako.

Euskal Herriko paisaia linguistikoa erabat arrotza da oraindik, eta EZABATU ETA EUSKARAZ BIZI ekimena paisaia horri buelta emateko jaio da. Dagozkigun eskubideak aldarrikatzeko ez dugu gauaren babesik behar. Irria eta lanerako arropak soinean hartu eta inposatzen diguten paisaia linguistiko erdalduna iraultzeko deia zabaldu nahi dugu gaurkoan. Baita EHE-ren ikurra ahalik eta toki gehienetan marrazteko ere, euskaraz bizitzeko bidea egiteko prest gaudela adierazteko. Euskal Herrian Euskaraz baino harago doan mobilizazioa denaren jakitun, ekimen honetan parte hartzeko deia egiten diegu herritarrei.

EHEren taldea dagoen herrietan, datozen egunotan ezabaketak egiteko xedearekin egingo diren bizikleta martxa, olinpiada, kalejira eta abarretan parte hartuz. EHEko talderik ez den herrietan aldiz, ekimen hau norberak propio bihurtuz eta zapalkuntzari margo eta koloreekin erantzunez.

Data zehatzik gabe bada ere, testuinguru zehatz batean aurkezten dugu EZABATU ETA EUSKARAZ BIZI ekimena; hauteskundeen testuinguruan, alegia. Ikasturte politiko honetan bi zita elektoral biziko ditu Euskal Herriak; bihar Madrili begira abiatuko dena, eta heldu den maiatzean Parisi begira emango dena. Finean, Frantziako Asanblada Nazionaletik eta Espainiako Gorteetatik datoz herri euskalduna ukatzen zein euskaldunon eskubideon aurkako hizkuntza politika menderatzaileak onartzen dituzten erabakiak.

Ziur gaude asimilazioa bideratzen duten lege zein politikak eta jokabide sumisoak   ezabatuz eta euskaraz biziz, Euskal Herri euskaldunerako bidea egiteko prest dela euskaltzale andana. Horiei guzti horiei eta oraindik euskaraz bizitzeko hautua egin ez dutenei dei egiten diegu egitasmo honetara bildu daitezen.

EUSKAL HERRIAN EUSKARAZ (EHE)

Iruñean, 2011ko azaroaren 2an