Hau Pittu Hau – Euskaldunon konpartsa

Kaixo lagunok,

Gertu daukagu Hau Pittu Hau Eguna. Maiatzaren 5ean, larunbata, ospatuko dugu; eta esan barik doa, aurten, oso berezia izango dela deialdia. 2012an 25 urte betetzen ditu Hau Pittu Hau konpartsak eta, debora guzti horretan egin bezala, maiatzaren 5ean ere jarraituko dugu euskarari bedar txarrak kentzen!

Aipatu eguneko ekitaldi batzuk zehazteke ditugu oraindik. Hona hemen egitarauaren aurrerapena:

Goiz-eguerdian zehar:

• Pintxo kafea.
• Triki-kalejira.
• Garagardo adituen dastaketa / lehiaketa.
• Barraskiloari ongi etorria.
• Bazkaria, 7 Katun.

Arratsaldean:

• Hau Pittu Hop!, Oihana Bartra eta Potxis bertsolariekin.

Hala ere, aurreko egunetan ere izango dugu zertaz gozatu:

Apirilak 29, igandea:

Goizetik aurrera, mendi irteera, Pagasarri aldera.

Maiatzak 4, ostirala:

18:00 Bizikleta martxa, Arriagatik.

Guztia zehaztu ahala joango gara horren berri ematen. Hala ere, apuntatu eguna zuon agendetan!

Maiatzaren 5ean ere jarrai dezagun euskarari bedar txarrak kentzen!

Zer gertatu zen gure egunean? Hemen adibide batzuk!

Jakina, gertatu zen guztia ez dizuegu esango, honela hurrengoan jakiteko etorri beharko duzue!

Heltzear da konpartsaren eguna, baina egun hau ez da konpartsa eta bere konpartsakideontzat bakarrik, euskaraz gozatu nahi duen edozein hiritarrentzat zuzenduta dago.

Egun berezia da guretzat, eta aurten ere animatu nahi zaituztegu gurekin parte hartzera. Horretarako egitarau polita prestatu dugu, espero dugu zuen gustukoa ere izatea! Elkar ikusiko dugu?

• 12:00 Triki dantza poteo Zazpi Kaleetatik
• 15:00 Bertso-musika-bazkaria Onintza Enbeita eta Iratxe Ibarrarekin 7 katu gaztetxean (Sarrerak salgai 12 eurotan Errondabiden eta 7 Katun bertan)
• Bertso bazkariaren ostean… bideo aurkezpenak: Bilboko EHEk “Hamaika izen, helburu bakarra” eta Hau Pittu Hauk “Another brick in the wall, euskarari beste eraso bat”
• …eta gero …nahi duzunerako izango gaituzu! (edo zaitugu!)