Iturria: Bilboko Branka
150 lagun baino gehiagok parte hartu zuten herenegun arratsaldean, Saul Curtoren atxiloketa salatzeko Zorrotza auzoan burutu zen manifestazioan. Bertan adierazi zuten, “Espainiar eta Frantziar estatu zapaltzaileen nahia gatazka eta sufimendua luzatzea” dela. Curtoren askatasuna exijitzeko manifestazio berri baten deialdia egin dute datorren asteartean, urriak 30.
Arratsaldeko 19:30ean abiatu zen Zorrotzako parketik Curtoren askatasuna exijitzeko manifestazio jendetsua. Zorrotzako auzokidea astelehenean atxilotu zuen Frantziako Poliziak ETA erakunde armatuarekin lotura izatea leporatuta, Puy-Saint Gulmier herrian, Puy-de-Dôme departamentuan. Ustez, atxiloketaren unean, Curtok matrikula faltsua zeraman lapurtutako auto batean zihoan.
Behin martxa bukatuta, auzokideek azpimarratu zuten, atxiloketak agerian usten duela berriz ere, “Ezker Abertzaleak eta Euskal Herri osoak bakearen aldeko apostu garbia egiten duten bitartean, Espainiar zein Frantziar estatu zapaltzaileen nahia gatazka eta sufrimendua luzatzea dela”.
Era berean, hurrengo astearterako deialdi berri bat zabaldu dute, urriak 30, arratsaldeko 19:30ean, Fray Juan kaleko errotondatik, lagunen eta auzo talde eta elkarteen izenean beste manifestazio bat egingo baitute.
Herenegungo manifestazioaren bideoa argitaratu du Zorrotza.info agerkari digitalak, baita argazki galeria ere.
