Frantziako Poliziak Saul Curto bilbotarra atxilotu zuen atzo Puy-Saint Gulmier herrian, Puy-de-Dôme departamentuan, Frantziako Estatuko erdialdean. ETArekin lotura duelakoan atzeman zuten, terrorismoaren aurkako iturriek diotenez. Saul Zorrotzako bizilaguna da eta 32 urte ditu. Halaber, Bilboko Konpartsen idazkari ohia eta Txinbotarrak konpartsako kidea ere bada. Atxiloketa salatzeko manifestazio bat antolatu dute gaurko (urriak 23). Arratsaldeko 7,30etan Zorrotzako Azoka plazatik abiatuko da, leku berean bukatzeko batzar-informatibo batekin.
